La vachenza

Finalment ch’al dé l’è arivè,
al aveva promessa a mi muier.

Quand andrò in pensian,
con i sold d’la liquidazian,
andren a fer una gran vachenza
A Parigi al zenter d’la Frenza!

A durmiren al Grand’hotel
int’la piò bela stenzia!
A magnaren tot i dè caviel
e me a bvarò chi ven franzis speziel.
Servì e riverì
com se dal mand a fossem i piò bi.

A la sira andran al Mulin Rouge
tgneden strech come quand a siren ambrus.

A la mateina… una pasegè ai Champes Elisée,
al dap mezdè una scapè da Cartier
a cumprer par te un brilent
e par me un bel per ed guent
… par esser eleghent!

Ma dap avair durmì trai o quater aur...
a m’san zdè tot moi ed sudaur.
E sobbit a i ho pinsè che al Grand Hotel
u si foss guastè l’aria condizionè.

Invezi a s’ira a ca… in t’la mi stenza,
duv l’è finì la vachenza.
Però a pos dir
che mentr a s’ira dri a durmir
a i ho fat propri un bel gir!

Sal un dobbi u m è vanzè
che u m fa pinser…
chissà se la vacanza la srà piasù
anch a mi muier?

Giuseppe Casadio Loreti

Risorse online
Video, audio, dizionari, testi di approfondimento e progetti di promozione dedicati ai dialetti emiliani e romagnoli, disponibili in rete

Qui si dice così
Breve itinerario tra i dialetti dell’Emilia-Romagna attraverso dieci parole particolari, appositamente “tradotte”