Guai a chi tàcca la carrera!
Zirudella di Giuseppe Casadio Loreti in dialetto di Castel San Pietro (Bologna)
Tott quant i an a Castel
us fa una caursa in machina originel,
che al mand, un quel acsé us pol vadder saul a que.
L’è una causa cla nascé
in ti an cinquanta o za da lé,
par pruver ed movimenter
al Settamber ed Castel.
A distanza ormai ed tént temp
us pol fer anch’un bilanz,
e non saul bisogna dir cla fò un’idea d’aplaudir,
ma che gnanc al megh piò stravaghent
un arev mai pinsé ch’ la piases tént.
Aglien machin che ai temp mi
al gneven totti costruì con di schert, con di avenz,
con dla roba da buter vì.
Invezi incù an spol piò costruili in cà,
ui vol un technic e i sold anch dal papà.
Al mutàur però u n’è mai cambié
perché al post dal biel e di piston ui vol ghemb e bon pulmon.
Acsè a psén anch vanter
che sal que a Castel us corr in machina senza inquiner.
Che spettacol vadder la zént applaudir
tott sti ragaz
che i spenzen com di mat,
e che a la fen dal su traget
quasi quasi in stan piò dret;
par avair dé non saul mosquel e fié,
ma anch l’anma o piò, su i né,
par pruver ed conquister par un dé
totta Castel,
e par dir magari ai fiù:
“La Carrera l’ho venta me e ades ut tacca a te!”
E siccom a tant Castlén
a sta causa i volen ben
una cosa la sia cera:
“Guai a chi tàcca la Carrera!”
Giuseppe Casadio Loreti
Risorse online
Video, audio, dizionari, testi di approfondimento e progetti di promozione dedicati ai dialetti emiliani e romagnoli, disponibili in rete
Qui si dice così
Breve itinerario tra i dialetti dell’Emilia-Romagna attraverso dieci parole particolari, appositamente “tradotte”